[rhaal]

السلام عليكم ورحمة الله وبركاته
حيا الله الجميع أعضاء وزوار كلن بأسمهـ
رحلهـ غير مخطط لها سابقاً (طرت علينا فجأهـ) بتاريخ23ـ 24/12/1430هـ
والربع شقرديه باسم الله عليهم ما يعرفون قولت "لا"
رفيق الدرب أبو عبدالمحسن من الرياض حركنا
أما أبو يوسف جاء من الزلفي وتواعدنا بالدهناء عرق السراوهـ أو السرو
نخليكم مع الصور ولا نطول عليكم بالهرج<<<وش عقبه:sly:

أصبحنا وأصبح الملك لله
وأحلى صباح هواء منعش

وبعد القهوهـ تجهيز الإفطار من يدين أبو يوسف

علي يحوق فطورهـ (ياهو أليييم)

قلنا نتفنن على ما بال الفطور يقضي من حوقهـ لنا علي

وجمع الحطب الطيب واليابس أهم شيء وأحرصوا عليه (والرطب خلوهـ)

أخرى طوليه

شحنة طيبه تسدنا مع السهرهـ

وبداية البحث عن مكان آخر للإستقرار والإقامهـ فيه بالليل

أبو يوسف يبارينا بالممشى

وهيبة اللاند ما شاء الله عليه<<<وين عبداللطيف جميل يعطينا حق الدعايه

وأخرى سلويت

وصورهـ تشكيليه للأرطا

وأخرى عجيبه ورائعهـ (سبحان خالقها)

ومحل طيب ماشاء الله تم الإقامة فيه

تجهيز النار والدعوهـ بريد

وقهوة الضحى ياسلام بالرآس

محترفنا علي والبحث عن الزوايا واللقطات الرائعهـ

المكان النظيف ولا حولك أحد

طوليه لمحل الجلسهـ

أبو يوسف فوق أحد السيوف من بعيد بالزوم 400

والأجواء كل مالها تتحسن والسحاب يقوى

يازين الأرض ممطورهـ ورويانه
المطر جاهـ يوم الأثنين 20/12/1430هـ

والسحاب بدى يشد وقلنا مواريها مطر الليلهـ الخيمهـ يا ولد

وريح المطر بدى يقرب

وتجهيز الغداء والعشاء (الغشوهـ)

والبرد زاد
تراهـ ما يحب نفسهـ كوتين وبجامهـ وثوب شتوي

وأنا الضعيف بردان

وأشوى إن الخيمهـ معنا جانا رشتين الأولى ما تذكر أما الثانية الساعهـ 2 بالليل قويه شوي ولا طولت

رآيكم بهالصورهـ

قدر الرز آهـ عليك يا عليان

اللحيمات على الملهـ والرز بعد ومقصدر

شلنا قصديرهـ

واللحم فكينا غطاهـ

يمديني أنافس حرف الله يسلمهـ

وأخرى

والشاي بعد العشاء والسمرهـ عند الضويه يازينها وهات أشوف السوالف والعلوم

كاميرة أبو يوسف

والجميرات والنار يازينها والدفاء حولها

صورهـ ليليه للمكان فوق السيف

والقيام لصلاة الفجر قبل شقت النور

وقهوة الفجر سلام الله عليهم

واضح قوة البرد بعد الفجر بالصورهـ

والقهوة والحليب مع الزنجبيل دواء هالبرد

طوليه

إفطار أبو عبدالمحسن تسلم يديه

شروق الشمس

وركب عدسهـ الزوم هذا وقتها

وأخرى الزوم على آخرهـ بالتقريب

وتسبيع المواعين للتحرك للصمان

وخل المكان أطلق مما كان

شفتوا وشلون ما شاء الله علينا ماسن مر أحد وجلس هنا

المغاطيه بداية الصمان ولا جاها شيء يذكر والأرض لك عليها
الله يرزقها بالسيل

وعلى أم قرين (تراها ماتسوى العنوهـ) أم المصران وشقران وبس من هاك الجهات والباقي يجيب الله خير

وغروب شمس يوم الجمعهـ والعودهـ للرياض وأبو يوسف حفظهـ الله للزلفي عن طريق أم رجوم

وبالنهاية إهداء للبراري

وأخرى بالأرطا

وسامحونا على القصور
كما أشكر الأخ والزميل العضو ربيعة الرأي على تصفية وتنقية وتعديل الصور

دمتم بحفظ الله ورعايته