نبرة عتب نطقتها من لساني:
تعبير من قلب ن له اسنين مشتان:
وش حيلتي إن كان وقتي عصاني:
بذلت جهدي لكن الوقت مازان:
حاولت من كل الجهات ابزماني:
ولا لقيت إلا التعاسه والأحزان:
مانيب مستسلم وحظي قواني:
خلا طموحاتي تروح ابخبر كان:
سمحت من دنياي والعمر فاني:
يارب عوضني بلطفك والإحسان:
صبرت صبر أيوب سر أوعلاني:
على هموم ن جتني أشكال والوان:
لاصار حظي في حياتي أناني:
أصير أنا والحظ لاشك عدوان:
من ضيقتي كني سجين ن يعاني:
صار الأمل والياس بالوقت سيان:
ياوقتي اللي بالمآسي كواني:
ماعاد أميز بين رابح وخسران:
دروبي العذال قاصي وداني:
قال المثل هذا بلا أبوك يافلان:
مالي جدى إلا الحزن والأماني:
واجر لي نبرة عتب واعزف ألحان: