عطني حنانك يروّي قلبي الضامي
أنت الذي بالمحبه .حيل ضاميها
لبيه قربك حبيبي .شمعة أحلامي
ولبيه ذيك السوالف يوم تحكيها
حبك حبيبي يداوي جرحي الدامي
وبعدك ولو هي ثواني ما ادانيها
تعال شوف الغلا في صفحة أيامي
ابيك تكتب عليها وش تسميها ؟؟؟
ياحبي يالمشتعل يا مصدر .. الهامي
تفداك كل القوافي ......مع معانيها
ياروح روحي دواي .....وبلسم آلامي
ياغلا من الناس قاصيها .....ودانيها
منزلك وسط الحشا عام ن بعد عامي
لو طوّلت غيبتك .......ماظن تمحيها
قرّب طلبتك حبيبي والهدف سامي
ترى المحبة تبين ......ابوجه راعيها
أتخيلك دايما خلفي .........وقدامي
عشرتك عشرة وفى ..مانيب ناسيها
صوبتني بالمحبة.........وانته الرامي
عيون تخطب ودادك ........لاتبكيها
الجفن من بعدكم ....سهران مانامي
لاتبيع من عشرتك ....بالروح شاريها
حكمتني في ودادك ...حكم ن الزامي
لاتهدم اصروح حب ن كنت ....بانيها