هوجاسه 12
لا تجلد الذات يكفيها .. إلى متى وانت داعسها
واترك رسنها يباريها .. إلى متى وانت حابسها
تجمعوا كل شلتنا .. عند التميمي ابو نواف
والنعم فيهم جماعتنا .. الكل منهم على ميهاف
فرصه نرتب عزيبتنا .. واجلس هنيا بدون لحاف
رشة مطر فوق خيمتنا .. ياالله يابو سامي الشباب بالاستراحه وكم لك ما جيتهم وزعلانين عليك يومنك مقابل هالشاشه اللي أعمت عيونك ـ والهواجيس اللي تضرب بك أخماس باسداس ـ قوم شوف العالم الحقيقي الذي تعيش بينه وكأنك لست منه .. طيب طيب .. اكتبوا لي الأغراض لأني مستجل أجيبها لكم واطلع الاستراحه ... وش الزغاريط هاذي .. عيب عليكم يابنات .. كله علشانكم شفتوني معطيكم وجه أرسلوا لي أغرض البيت برسالة جوال أجيبها بعدين .. خلوني أشوف أول خالد اللهبي وربعه .. وش تلقاهم يقولون .. غانم هذا بلشه سوى نفسه مدير علينا وهو زيّه زينا لوكنت مشرف كان رصواا الشباب عندي هنا ، يالله أحسن بلا إشراف بلا احراج بلا تشتيت ذهن رجل عندنا ورجل في مجلس المشرفين والمهام والتعاميم .. لا لا .. كذا أريح .. حتى لو مايسير علي أحد .. الله يطول بعمر الإدارة اللي فتحت لي هذا المجلس والذي لا يعرف مفاتيحه إلا قليلون
سبحانك اللهم وبحمدك ..