ماشاء الله تفعاعل طيب..اضفت بيتين لها.. اطريت التيس وشواياوه والظاهر محد يلومن.. ورتبتها ويااخوان ماهو لازم ان يكون بيتين الشاعر وراء بعض..لو خذيت بيت من شاعر واضفته مع بيت شاعر اخر..بعد اذن صاحب الموضوع..
الله على لمة الشعار
بالبر والارض ممطورة
الجو صافي بدون غبار
وحتى القمر مكتمل نوره
غانم تسلى بضبط الكار
والكيمره تلتقط صوره
التيس غلق بله شنكار
وقطع بسكين ساطوره
نبي الشوايا يجيها النار
حميسة ٍ وخبز تنوره
الحر جاهز مع الصقار
مشتاق للخرب وخبورة
حب الولع بالحشا تذكار
ذكراه بالقلب معمورة
في روضه ٍ تبهر الأنظار
من حسنها الروح مأسورة
روض متشابك به الازهــــار
والشمس من السحب مستورة
مدّ النظر شفت لك أبكار
من خيرة الوضح مسطورة
يازين لا درهمت بقفار
تسحر هلّ الابل وشعورة
هذيك ربلــه وذا نوار
والارض بالخير ماموره
يسعد بها اصغار ويضا اكبار
اصغارهم حضروا كورة
الرعد صوته كما الهــــــــدار
والطير يسمعك مجـــــــــروره
من مزنتن وبلها مدرار
صبه تقل صب نافوره
تحيا بعد موت منها اديار
وهله عقب ضيق مسروره
قرب لنا الدف ويــا الطـار
والـعود مـا ينسـي دوره
مع خوه ٍ طيبهم يندار
بالخير والطيب مذكورةِ
الشعر في وصفهم يحتار
عزّ الربع عالي ٍ سورة
أهل الكرم وارثين الكار
أفعالهم دوم منشورة
الصدق في قلبهم ينزار
منزوع من باطنه جورة