[خالداللهيبي]

قــــال الــخــلاوي والــخــلاوي راشــــد=عمـر الفتـى عقـب الشـبـاب يشـيـب
حـسـبـت انــــا الأيــــام بـالـعــد كـلـهــا=ولا كــل مــن عــد الحـسـاب يصـيـب
حسـاب الفـلـك بنـجـم الثـريـا مـركـب=يــحـــرص لـــــه الــفـــلاح والـطـبــيــب
فيـلا صـرت بحـسـاب الثـريـا جـاهـل=تــــرى لــهــا بــيـــن الـنــجــوم رقــيـــب
الـــى غـابــت الـثـريـا تـبـيـن رقـيـبـهـا=ويــلا اطـلـعـت تـــرى الـرقـيـب يـغـيـب
ولا قـــارن الـقـمــر الـثـريــا بــحــادي=بعـد احـد عشـر عقـب القـران تغيـب
وسبـع وسبـع عــد لــه بـعـد غيبـتـه=هـذيـك هــي الكـنـه تـكــون مـصـيـب
ومن بعدها تطلع وبها القيظ يبتدي=وتـاتــي بـــروق ولا يـسـيــل شـعـيــب
ويـلا مضـى خمـس وعشريـن ليـلـه=ثـقـل القـنـا مــن فــوق كــل عسـيـب
وتطلع لك الجوزا وهي حنـة الجمـل=وتــاتــي هـبـايــب والـسـمــوم لـهـيــب
والـى مضـى خمـس وعشريـن ليلـه=يـطـلـع لـــك الـمــرزم كـقـلـب الـذيــب
والـى مضـى خمـس وعشريـن ليلـه=يـطـلــع سـهـيــل مــكـــذب الـحـسـيــب
والـى مضـى خمـس وعشريـن ليلـه=تـلــقــا الــجـــوازي طــردهـــن تــعــيــب
تـلـقـا الـجــوازي مـــا تـنـاظـر مـقـيـلـه=لــيــلــه نـــهــــار وتـجــتــلــد وتــلــيـــب
والـى مضـى خمـس وعشريـن ليلـه=لا تــامـــن الــمـــا صـيــبــه صــبــيــب

راشد الخلاوي شاعر وعالم فلكي له قصائد كثيره في حساب الفلك والنجوم
اوردت لكم واحده من اشهرها واليكم شرح لها :
وحساب الخلاوي بهذة القصيدة
اولا هذة القصيدة توضح بداية الحساب من طلوع الثرياء وطلوع الثرياء يبداء فى 5مايومن كل عام بالحساب الميلادي
لانة مايتغير مثل الهجري,, لذا نجمع ماذكر الخلاوي فى قصيدتة ,5يوم من مايو طلوع الثرياء مع 11و7و7=30مايو
بداية القيظ بعدها الـــــــ 25 يوم الاولى تنتهى فى 22يونية الموافق 10رجب 1431هـوفيها يثقل قنا النخيل على العسيب
وتطلع الجوزاء وشديدة الحرارة ومن شدة حرهاالجمل يحن من الحر وبها هبايب وسمومها لهيب ثم نحسب الــ 25 الثانية
تنتهي فى 17يولية الموافق 5شعبان 1431هــ يطلع المرزم ثم نعد الـــــ 25 الثالثة تنتهي فى 11اغسطس الموافق
1رمضان 1431هــــ ويطلع سهيل وتقو العرب اذا طلع سهيل تلمس التمر بالليل ولا تأمن السيل ثم نعد الــ 25 الرابعة
تنتهي فى 5 سبتمبر الموافق 26 رمضان 1431هـــ ويصف الخلاوي ان الغزلان الجوازي ماتبي المقيل ماتناظر مقيلة
بداء البراد ثم نعد الــــــ 25الخامسة
تنتهي فى 30 سبتمر الموافق 21شوال 1431هـــــ حيث يتوقع هطول الاامطار بداية الوسم 1 اكتوبر من كل عام
امل ان اكون نقلت ماينال اعجابكم وشكرا