عيون الضرير
البارحة والقمر في جونا مستدير
واخفى نجوم ٍ تلامع في مجراتها
سريت مسرى العليل اللي بجوفه سعير
اللي تنكد من الدنيا ولوعاتها
مررت حزني على بيض النوايا سفير
لكنها ما عطتني جزل مداتها
كرهت نفسي وانا مدري وش اللي يصير
عواقب الوقت تاخذني بسياتها
شك ورى شك وش شافت عيون الضرير
يا داخلين بخفاياها ونياتها
ويا بيض الايام ما بمصافح الشر خير
انتي وانا ما عرفنا وين وجهاتها
تجملي بالصبر والله عزيز بصير
والصمت حكمة وزين النفس بسكاتها
كل التحايا
ملاحظة
النقد مسموح به لما له من فوائد