[صالح الربيعان]

المشاركة الأصلية كتبت بواسطة برد شباط

ابو عبدالله

سؤال اخير طراء لي بعد مادريت انك مدرس ماشاء الله عليك شكل لو الامطار متواصلة علينا في كل وقت وفصل بتطلب تقاعد مبكر للمطاردة هههههههه ماشاء الله تبارك الله الله يمدنا وياك بالصحة والعافية

س/ وشهو تخصصك وفي أي عام تعينت واول مدرسة درست فيها ؟

هلا وغلا بسيل شباط [ مانبي برد شباط] : أنا أدرس الصف الأول ابتدائي من 18 سنة وطبعا ماسكهم على المفتاح يعني أدرسهم كل شئ وتعينت عام 1411 وأول مدرسة درست فيها هي مدرسة ربيعة الرأي في الرياض وفي عام 1413 نقلت للقصيم وتعينت في قرية صغيرة بين القصيم وحايل اسمها الثابتية وقضيت فيها اجمل لحظاتي وأيامي حيث شهدت هذه القرية أمطار غزيرة جدا طوال عام 1413 وسكنت فيها وكان لا يوجد فيها كهرب ولا ازفلت وكنا ننام الساعة الثامنة مساء ونستيقظ قبل الفجر بساعة ونشب النار ونسوي الحليب [ طبعا حليب معزا وغنم ترعى من العشب وحليب ياسلام ] وجلسنا على هالوضع سنه كاملة