عيد الضحيه ولانطلع للبر ؟! شوقنا للبر دفعنا لأخذ العزبه والمعاميل والحطب والعشا حيث طُـبخ هناك واستمتعنا بعد المغرب بمشاهدة الشُـهب المتساقطه وكان لونها غريب جداً (اخضر غامق) واترككم مع صور القهوه والشاي والحمسه الشجر بإنتظار رحمة ربه المعهود ( القهوه - والتميرات ) إبريق الشاي اسرع من الدله القهوه تفووور (والله من الغضا اللي تحتها) زل المبهره الدله على النار تمر حلوه ( لقاط الاسبوع الماضي ) + معمول العيد شغل البيت محشي بالتمر المعمول والتمر (قدوع للقهوه ) القهوه (جاهزه للتفتيش) قضمة معموله ورشفة قهوه الشاي من الابريق الجديد يوجد حياه هُـنا !! وايضاً هُـنا (محتاجين عالم زواحف) بصل وثوم وفلفل الشباب (الابن يزيد - وابن الاخ سلامه) يكسرون عويدات الحطب (لتلقيم النار ) تم التقطيع الشحم للقفره + اللحم + الكبده + بيضات الغنم !! كان الجو لطيفاً (وبعد مغيب الشمس ذبحنا المهب الشمال الشرقي القارس بروده) وضع الشحم واللحم بالبدايه مع الثوم وقرون الفلفل الحار الكبده ودورها في آخر استواء اللحم نُـضيفها على الطبخه وضع البزارات تقليب وتحريك استمرار التقليب والتحريك في منتصف الطبخه يُـوضع البصل الشمس كالتاج الحمسه على وشك الاستواء رائحة الطبخه تفتح النفس اضفنا الكبده قبل استواء الحمسه بدقائق معدوده اكتمال كافة عناصر الحمسه الشيف يزيد (شكله معلم طبخ) استواء الحمسه (جاهزه للخبيزات) نار على نار !! قولوا بسم الله الشباب بالصحن وابوهم بالقدر (على مبدأ " من الطنجره للحنجره ") القمر بالسماء والنار بالطعس هوانا بالقريات معظم ايام السنه غربيه رطبه لكن احياناً تجينا شماليه شرقيه جافه قارسه مالها علاج (الا اللي تشوفونه بالصوره) الشباب يعدون النجوم شبة النار دفتنا وونستنا لصلاة العشاء وسرينا ليه صورة القمر طلعت كذا ؟! (لخبراء التصوير ) ! إنتهـــــى