السلام عليكم
وطابت أوقاتكم بالخير والمسرات
أتمنى أن تليق بمروركم الأجمل
؛
؛
تعال وراض شرهاتـي وطيّـب خاطـر المجـروح
ترى هجـرك علـى روحـي خطيـر اليـوم يفنيهـا
تعبـت أبيـن آهاتـي وأداري فـي هـواك الــروح
واشب اللـيـل بـحـروف ٍ تسـامـرنـي قوافـيـهـا
عجزت ألملم أشتاتي وضاع الصمت والمشروح
على حـد الألـم سـكـة طويـلـة فــي خطاويـهـا
أسافـر حيرتـك يمكـن أفسـر وأستشـف البـوح
ولو كلـّت ركـاب الشـوق وامست فـي منافيهـا
بهيم الليل يكتبنـي تداعـي فـي عتـب وسمـوح
وارتب صبحـي بنـار الظنـون اللـي أصاليـهـا
أخايـل بـارق ٍ عنـي بعيـد وفـي سـمـاي يـلـوح
ولا ادري يمطـر ديـاري أو أنـه صيـف يخطيـهـا
يا حلم البارحة طيرك لقيته بالقصف مذبوح
رثاه الوجد بريـاح الشـجـون وشــح أمانيـهـا
ذبول الورد وش يعني ويعطي لإنكسار الدوح
اذا بات الجفى بأرضـه وخيـم فـي صحاريهـا
عسى الله يكتب الخيره ويفتح بالأمـل مصلـوح
ويسعد بالرجى حـس المشاعـر فـي طواريهـا
؛
أجمل تحية