يابجاد لاتنشد عن الحال يابجاد **** حالي كما طير (ن) عديم الهدادي
يبغا الهدد ومقيدينه بالاقيــاد **** سبعة شهور(ن) حالته في ترادي
يابجاد كفخه بالجناحين مافاد****ولا تشوف عيونه الا سوادي
في موق عينه نضرة الغبن تزداد****ولايبي من غير مخلبه زادي
العام صاد وتالي الوقت منصاد****يابجاد حده من عنى الوقت حادي
هذي حياته أسر وقتال وحداد****بين السما والارض ميل وجهادي
ياكم تغنابه من الناس نشاد****طير(ن)غدا مع كل تحليق شادي
ولا يعيب الحرواشي ونقاد****والقيض عنده مثل نفح البرادي
اجل لويش الطير ياصاحبي ساد****واصبح وسام ورمز هاك البلادي
وليش في هاك الزمن للخوي جاد****ايام دونه ما يفيد اجتهادي
واللي خلق يابجاد طغاة وعباد**** انك لاعاد تزيدها يابجاد(ي)
لكن دام انك عن الحال نشاد****يابجاد كلي شكر رب العبادي
وكف الكريم تخامس كفوف الاجواد****ولايصم اذنه عن اللي ينادي
وختامها بالمسك والورد والكاد****صلاة ربي للنبي الهادي
والعذر والسموحه