اقتباس:
المشاركة الأصلية كتبت بواسطة عشقتها
اولا كل عام وانتم بخير ومن العايدين .. وعيدكم مبارك ان شاء الله :32:
ثاني شي وراكم على الجنوبية والجنوبية الغربيه :new3:
في نجد نسمي الجنوبية ( مثيرة ) لانها بامر الله تثير السحاب وهي بامر الله اذا هبت
معناها في شي تحرك شمال صح يمكن نجد نفسها ماتستفيد لكن رفحا والحفر
وعرعر والحدود الشماليه باذن الله تستفيد ..
الشرقيه وخصوصا الجنوبية الشرقيه مفيدة اذا صك الخيال وتسمى ( المسقيه ) لانها
تسقيه وتمده رطوبه وترتكي له والجنوبية والجنوبيه الغربيه هي نقطة الاثارة فتثير
السحاب وينشأ واذا نشأ بامر الله كلها مسألة وقت وتقرب من شمال الى حائل الى
شرق المدينة ثم القصيم ويقرب الخط المطري لين تصير نجد في وسط الخيال ..
في طبقة 850 الجنوبية مثيرة واذا ثار السحاب حتى لو هو شمال وبعيد عنك ابشر بالخير ..
مايشتت السحاب مثل الغربية ( سحيته ) لانها تسحته وتبعده بامر الله او الشمالية
الغربية الرياح الكاشطة اذا هبت على المدينه وتبوك بشر القصيم والشرقيه تشوف
السحاب يحدر ويتزبر ..
واعيادكم احلا :70:
.. |
أخي عشقتها شكراً على التفصيل الرااائع مع أني ما أفهم شئ في هالأمور لكن شرحك مررره جميل وبسيط ومفيد ،،،
وكل عيد وأنتم بخير وصحة وعافية يااارب