[البارق الغربي]

المشاركة الأصلية كتبت بواسطة سمي الغيث

يسعد صباح الجميع . . مادام مابالحمض احد هههه
اليكم الجديد من اشعاري عسى ان تنال على اعجابكم

ياصاحبي لحظة انا جيت منساق
جيتك على الجرح العطيب اتحامل

ماني بحاجة مال . . ولاني بعشاق
من فضل ربي ستر . . والعقل كامل

جيتك غلا بيني وبينك . . ومشتاق
وعندي ملف من النصائح . . وشامل

هات القلم واكتب على بيض الاوراق
بعطيك نبذه عن . . دروس التكامل

اكتب وانا بمليك فكري اليا راق
خبرة عمر . . تخطها بالانامل

لا تجامل المخطي قل الحق بحقاق
ضاعت حقوق الناس بغلطة . . مجامل

وترى الكلام الزين بلسم وترياق
يبري الكبود المعطبة . . والدمامل

وترى التعامل فن واسلوب واخلاق
اجل ماحد علمك ؟ . . فن التعامل !

والمجلس اللي فيه مفتن وبواق
احذر تجالسهم ومعهم . . تعامل

ترى الجدال أحيان للكبد حراق
خلك صريح وبالقرارات صامل

بعض المجالس مثل ترتيب الاسواق
تلقى رجيح العقل وتلقى الهوامل

خلك ذهين وخذ من السوق ما لاق
واحذر دروب الغي . . عملة وعامل

احذر ترى ليا التفت الساق بالساق
في موقفٍ كل . . الخلايق تكامل

في موقفٍ تنشف معه كل الارياق
والمرضعة تذهل . . وكل الحوامل

والفايز اللي دوم للخير سباق
ومن يكفل الايتام وايضا الارامل

# ( سمي الغيث )

# ( سمي الغيث )

صح السانك ياسمي الغيث
ابيات فيها من النصائح الشيء الكثير