*
تدري وش اللي يجبر البنت للشين
سياسة العنـف العمـى بالتعامـل
والقمع في حريـة الفكـر والبيـن
ومقارنة نقص العقل ضـد كامـل
وممارسة أخطاء ضـد القوانيـن
نتاجها محـزن ومبكـي وشامـل
رفقاً بهم لانزيد فـي بلـة الطيـن
رفقاً بهم لانزيـد حمـق وتحامـل
لنرفع شعار التعامل مـع الليـن
واللين في نفسيـة البنـت عامـل
حتى بقضية تكملة نصف هالديـن
ممنوع تجبر بنت في رأي صامـل
لها إختيار ورأي من بين قوسين
وعطها الأحقيه وحـذرا تجامـل
في مسألة إجبار بالغصب روحيـن
ياخي ترى الدنيا شعـور وتكامـل
شف كم قضيه حاصله وأبكت العين
سبة فكر رجعي وسافـل وهامـل
واللي يزيد الجرح ويصير جرحيـن
عروس عاشت تحت بنـد الارامـل
عاشت تحت عنف وتحطم وتوطين
وشعور قاسي بالألم وإهي حامـل
سحقاً لبعض أفكاركم ياسخيفيـن
إليا متى في بعض الأفكـار نامـل
وتدري وش اللي يجبر البنت للشين
لاصار قمع البنت أفضـل تعامـل
*
ممااااااااا راااق لي
عنااااااد الجهني