[رعود الفجر]

بعدها جلسنا انتقهوى ونسامر البروق ع البحر في منظر يفوق الوصف
وهي مقبله من شرق .. بيني وبينكم نسيت التصوير هههههههه


لقطتين ع البحر










بعدها دخلت علينا الامطار والمتعه اي متعه وانت تشاهد خط المطر يقبل عليك من بعيد
ثم بدأ المطر برش خفيف .. وماهي الا ثواني حتى بدا المطر يشتد واصبح مابين المتوسط
الى الغزير مع رياح قويه جداً واستمر قرابة العشر دقائق ثم هدأ المطر
وهدأت الرياح واستمر المطر خفيف ..

ثم لاحظنا اشتداد البرق باتجاه الشمال الشرقي وسحابه مقبله على الهافمون ..
وقررنا الاتجاه لها عن طريق يربط العقير بالهافمون ..
لكن لجهلنا بالطريق تاخرنا شوي وبصراحه الطريق يخوف ..
و اول مره نمشي به ويفتقر للوحات الارشاديه

واحنا متجهين للهافمون لاحظنا السحاب عدا الشاطئ واتجه غرب ..
قررنا التوقف والتقاط الصور للبرق رغم انه بعيد شوي ..






اما الصوره الاخيره فهذه لها موقف مضحك ويرفع الضغط هههههههه
وانا التقط الصور للبروق مر انسان ثقيل دم .. ماقول الا الله يصلحه
شافنا واقفين واشتغل تكبّس وعلّق ع العالي .. وانا اقول ياربي ان شاء الله ماتبرق
الحين وتخترب الصوره .. لكن .. البرق طلع والصوره ماش
ارتفع ضغطي ولعله يحمد الله ان مالحقه شي من الارض







ع العموم حصل خير ..
هذه بواكير التقارير وان شاء الله يكون قد المطلوب .. واعذرون ع القصور ..
والجايات بإذن الرحمن افضل ..


شكراً لصبركم ..
حفظكم المولى ..