[صالح الربيعان]

المشاركة الأصلية كتبت بواسطة الركام

السلام عليكم ورحمة الله وبركاته

حي الله ابو عبدالله
اجمل مايكون الحديث عن الذكريات ودي ان تذكر لنا بعض

المواقف الطريفة والغريبة في حياتك وشكرا

هلا وغلا بشاعرنا الركام : الحديث عن الذكريات ذو شجون خصوصا ذكريات الطفولة وايام الشباب الأولى فمن المواقف الغريبة أني ذهبت بسيارتي ذات مرة لمطاردة بعض السحب الممطرة ولما أردت العودة تعطلت السيارة وأنا ابعد عن قريتي مسافة طويلة فوقفت أشر بيدي للسيارات فتوقف عندي شاب مراهق عيونه حمر وشعره يتعدى كتفيه فعرض علي الخدمة وأنا أبي الفكة لكن وش أسوي أنا مضطر وجانا الليل المهم قلت أنا معي سلسلة لعلك تسحبني حتى ديرتي 00 المهم بدأ يسحبني وطبعا قبل مانمشي شغل المسجل على اعلى صوته [ قلت الله يعين هاذي أوله] وبدأ يمشي وأنا خلفه مسحوب وبدأ يزيد السرعة لدرجة أنه وصل 150 وأنا مسحوب خلفة وأنا ما أقدر أربط فرامل لأنها ماتمسك والبطارية عطلانه مافيه بوري والجلنط خربان والمشكلة إنه يتجاوز السيارات ثم ينحرف يمين بسرعة دون ان يأخذ احتياطه أني خلفة فكل شوي اجي أصدم السيارة اللي تجاوزناها وبقي على سرعته الجنونية وانا مسحوب خلفه [ لا تسأل عن حالي]ولما اقتربنا من الديرة ولم يبقى إلا 3 كيلو وهناك لفة خطيرة امامنا بدأت اطلع رأسي وأصوت لعله ينتبه ويوم شفت مافيه فايدة حرفت السيارة بقوة جهة اليمين لعله ينتبه وأخيرا توقف وهل تدرون وش قال لي [ ياخي حرام عليك أنت لك اكثر من ساعة وأنت وراي ليش ماصقطت وريحتنا ما تشوف أدق لك إشارة وأقول لك اصقط بسرعة ]المهم طلعت منها بالسلامة