بارك الله فيك اخوي رعد الصحاري
قلبت المواجع وانا اخوك
كنا يم جنوب حايل اواخر اكتوبر
وكنا مانقدر نفتح درايش السيارات من قوة المطر
وصادفنا اجوال من القمري مالله به عليم
وكنا نمسك القمري نحصله بجذوع الرمث وتحت الاثل والطلح مايقدر يطير من قوة المطر
قعدنا اسبوع كل يوم نتغداء قمري
وصادفنا سحابه لاتوصف يم الشعبه
يوم اقبلت علينا كان البرق مانشوفه من الرباب وكانت تميل للون الاخضر والسواد
وناس تقول لنا هذي معه عج وناس تقول هذي برديه
يوم جتنا الساعه 11 الصبح يوم بدت تهل البرد هل وجلسنا تحت كبري الشعبه طريق المدينه المنوره حائل
صيد ومطر وايام وسم يالله من فضلك
لي رجه للموضوع..........وبكمل لكم قصة موقق مع الامطار تلك السنه التاريخيه