لا تعاتبني
من روائع ماكتب الشاعر فيصل العدواني
لا تعاتبني دخيلك انتهـى وقـت العتـاب
دام ما للحب قيمه ويش له نعيد ونزيـد
ودامك اللي للخطايا مشرعٍ عشرين باب
العتب ما ظن يقـدم لا ولا حتـى يفيـد
من هويتك وكني الظامي ويتبع له سراب
لا اقترب يمه تلاشى وابتعد عنـه بعيـد
حايرٍ تاه بدروبك ولا نقل غير الصـواب
كم نزفه الشوق لجلك وللأسف قلبك جليد
وكم تعثر به سؤالي ولا لقى منك جواب
غير جورك والتجني ما جنى شيٍ جديـد
اشهد ان الحب كافر وأكثر أيامه عـذاب
لا غدى منهو تحبه قاسيٍ رايـه عنيـد
وعشرةٍ فيها مذله يا عساهـا للذهـاب
ليتها تفنى وتبقـى عـزةٍ عيـت تبيـد
لجل لو حتى طرى لي وصلكم قلت الغياب
ولا اعتزمـت إلا رحيـلـي والشـديـد
بتركك يا حب عيّا ينجلي عنـه الضبـاب
أيه نعم هذا قراري وانتهى قـدرك أكيـد
وكان قصدك في مجيك تفتح أبواب العتاب
أنصحك وفر كلامـك لا تعيـد ولا تزيـد
وسلامتكم