أعضاء و زوار منتديات براري
السلام عليكم ورحمة الله وبركاته
قصيدة رائعة جداً للشاعر المبدع عبدالكريم الشمري
اتمنى أن تنال احسانكم
يقول
ماكـل رجال(ن) يــوافق لجـــوي
بعض الوجيه البعــد عنها تجارهـ
أقدر الطيب لو انه عدوي
والا الردي لو هو قريب(ن) خساره
وأكره طريق(ن) خافي(ن) ومتلوي
وأهل العياره تهتني بالعياره
أحد(ن) ليا من طاح يبقى مطوي
وأحد(ن) قبل طيحته ماخذ قراره
وأحد(ن)جزم بالطيب وأحد(ن) ينوي
وأحد(ن) يمين الطيب واحد(ن) يساره
وأحد(ن)روى بالطيب وأحد(ن) يروي
وشخص(ن)يكن وشخص عنده جساره
وانا أدري أني مابعد شفت توي
لكن جمعت من البدو والحضاره
من لا أنكوى من الزمان المكوِّي
ماهو مميز برد وقته وناره
وأنا لربع الجود ابشب ضوي
وبحط للقلب الفهيم أعتباره