[امازون]

المشاركة الأصلية كتبت بواسطة ثعل تميم

قوقل إيرث اليوم ماالومه
الموقع""الدمام
الوقت" المغرب الساعة 6.30تقريبا
وحسب اشارة قوقل للبروق

طلعت من البيت متجه لطريق الرياض ـ المطار - وعند معارض السيارات لمحت برقه وعلى طول وقفت السيارة وكانت البروق متباعدة شوي وفيه وقت بينهم رحت وجيت على رجلي وتفرجت على السيارات وهذي ياحلوها وهذي احلى المهم واحس بهواها سابقها واركب في السيارة والحق لاتلحق وترش خفيف قدم شوي يمكن اكثر ارجع يمكن مناك احلى وانا وياها والظاهر انهم كانو اكثر من سحابة وفي مدخل الدمام تفرقو
واروح مع اللي راحت شمال يم طريق الملك سعود واراقبها واشوفها لااله الا الله تمشي وتثير الارض وتمشي مع الاماكن اللي مافيها بنايات وتجي مكالمة واتلقف وارد واطلع مع مخرج من مخارج الملك سعود ولا يردني الا مخرج طريق الملك فهد اديور معه وارجع ـ دور ياولد تلفت يمين شمال مافيه شي .
المهم الساعة عشر في البيت اشيك على قوقل ايرث واذا به يكتب لي ( الخبر _الدمام الظهران )
واطلع وانا مستحي من عيالي اتسحب تبون خبز طيب ان بغيتو شي دقو علي على الكورنيش بكون واروح ولا يردني الا (الخبر ) ولا نئطه .نقطة

وارجع لكورنيش الدمام.

وفي السيارة والمكيف شغال وافتح الباب وانزل ايسكريم ياراعي التكان واخذ الايس كريم ولاارجع للسيارة الا ونص الايس كريم في الارض

الرطوبة اعتقد وصلت 100%
وادخل البيت (مشلح الذرعان )وانواع الاعذار بصوت عالي قوقل لعبو علي - رطوبة تصلخ صلخ ويقولون مطر الله يسامحهم بس ) .
ولا اسمع الاصوت باب غرفة النوم طرررررررررررراع ولسان الحال يقول محد سألك
كان رقدت برى احسن .
مسموح قوقل ايرث هذي جزيرتنا لاانت ولا اللي سووك تقدرون على التنبأ علينا
والله يعيني على التنبأ باللي عندي وش بيصير
اسف على الاطالة بس من حر ماونست سولفت
اجل هالوقت(2) هذي جيه تدور مطر

ارجو من المشرفين حفظ الموضوع لانه من المواضيع المهمه