[ولد حريملاء]

المشاركة الأصلية كتبت بواسطة الابرق1

والله يا اخي الحبيب 1406 .. يفيدنا فيه الابرق فهو اكبر مني سنا اما انا فتوني :36_1_11[1]:
الله يمسيكم بالخير جميعا .
ابو بدر الله يمسيك بالخير عام 1406هـ فعلا على ما اذكر امطار قويه على حريملاء وما جاورها اذكر سيله من السيلات في ذالك العام الشريج الاوسط سند الحزم من عند سعادة من قوته واذكر بعد ان رغبة غرقت بسيل والدفاع المدني جاء من الرياض لعمليات الانقاذ الله لايورينا قوته.

يعطيك العافية يابطل

بارك الله فيك يابو عبد العزيز .. مافيه صور ولا فيديو لتلك السنه

وواضح يابو عبد العزيز تتابع الخير في تلك السنه من خلال صور الاقمار

كان عندك علوم اكثر عن تلك السنه تكفى يابو عبد العزيز عطناها خاصة سمحه

تصدق يابو عبد العزيز شريت جوز بط يوم اني صغير وفرخ .. واذكر سمحه في تلك السنه امتلات عن بكره ابيها

اخوك من الفرحة.. سرح الحلال قصدي البط في سمحه على هالبحيريه الحلوة تشوف البطة وعيالها وراها بغيت اجيب بندق اصيدهم صدقت اني على بحيره

المشاركة الأصلية كتبت بواسطة ابو عبدالمجيد

الرسائل المرسلة عبر جوال " ديم "
يوم السبت 27 /3/1431هـ
الموافق 13/ 3/2010م
اليوم " السادس " من " سعد السعود " العقرب الأخيرة
" عقرب الدســـــــــــم"
أول أنجم فصل الربيع هذا العام والله أعلم وأحكم
حالة الطقس المتوقعة بمشيئة الله لهذا اليوم من مصلحة الأرصاد

طقس مستقر على معظم مناطق المملكة عدا نشاط في الرياح السطحية تتاثر من خلالها الرؤية الافقية بالعوالق و الاتربة المثارة مصحوبة بارتفاع في درجـات الحرارة على منـاطق شمال غرب المملكـة ( تبوك ) تمتد لتشمل منطقتي مكة المكرمة والمدينة المنورة خاصة الداخلية منها وتظهر تشكيلات من السحب على مرتفعات عسير . اللهم أغثنا اللهم أغثنا اللهم أغثنا ياكريم

يعطيك العافية يابو عبد المجيد .. بارك الله فيك يا غالي

كفيت ووفيت وريحتنا من توقعات اليوم .. اللهم اغثنا

المشاركة الأصلية كتبت بواسطة الودق

الي رايح ويعود يقول باك
وش يعني باك؟


يازين سوالفك يابو بدر نقش نطرز بها صدر المنتدى
الطحينيه انقطعت من السوق وين الخبز.
لكن جبت الصوره للعالم كله بس ماتشتغل الا عند الي عنده فلاش يدعمها
انا ماعرف احطها صور بحط رابطها وسنعوها
والصوره الي تعجبك اظغط عليها وتكبر ومايغير من حركتها
اشوف فيها معركه على بحر العرب قريبه
من الصومال ظنك يابو بدر بتنصا اليمن؟
ياليت تقولون بي توقيت؟
https://webflash.ess.washington.edu/

يعطيك العافية .. باك باك .. يقولونها كثير .. بس والله اني ما اعرف لا للباك ولا لشيراك

ماقصرت على الصور .. والصومال مستسقين ماشاء الله عليهم الوضع عندهم جيد

والقرن الافريقي جيد بس المشكلة في الازوري بامر الله مسوي ابضاي هالايام وقاطع الطريق

ربي يزيله ونشوف الخير من رياح ثانيه بإذن الله

على طاري الطحينيه .. جرب طحينيه مع جبن كرفت .. مش حتقدر تغمض عنيك