[هاني نعمان سالم (الخليه السرية)]

المشاركة الأصلية كتبت بواسطة انت هاجسي

بداية أبارك للأستاذ بو محمد ( الخلية السرية ) اللقب والترقية اللي ما هي بغريبة عليه أبدا .. وعسى إن شاء الله منها للأعلى .

أنا عندي إستفسارين صراحة واحد متعلق بالبحرين والثاني بعمان ( مسقط بالتحديد ) .. انه حاليا في البحرين لكن إن شاء الله راح أسافر مسقط بتاريخ 8 فبراير , وحسب متابعتي لتقريراتك خوي استنتجت ان البحرين ومسقط راح يكون لهم تأثير جيد من الحالات المتتابعة في فبراير إن شاء الله .

1- البحرين : طبعا انت ما قصرت ووضحت إن التأثير قد يبدأ من اليوم ليلا ولربما غدا صباحا .. لكن بس حاب اعرف نوعية الأمطار المتوقعة بمشيئة الله وإمكانية حدوث بعض العواصف الرعدية من هذي الحالات ولمتى راح تكون الحالة مؤثرة على البحرين ؟

2- مسقط : سؤال قد يكون الجواب عليه سابق لاوانه لكن بس حاب أعرف تصوراتك لمسقط وعمان بشكل عام في الشهرين القادمين ( فبراير ومارس ).

اسمح لنا بومحمد إذا ثقلنا عليك .. وعسى الله يوفقك في كل خطوة تخطيها .

حياك الله اخوي
اول شي البحرين احتمال الليلة تشهد بعض الامطار الرعدية واتوقع ان تشهد بعض لرشات على يوم الاربعاء وطبعا الخميس باذن الله عواصف رعدية وامطار غزيرة هذا بالنسبة للجزء الاول من الحالة والذي ينتهي على يوم الجمعة
اما مسقط الاحتمال باذن الله ان تشملها الامطار يوم الجمعة بشكل جيد ولكن المنطقة وخااااصة الخليج من الجزء الثاني فرصه جدا باذن الله قوية
والحالة الثانية على منتصف الشهر جيدة على المنطقة وفرصها من الحالة الثالثة على بداية الثلث الاخير من الشهر جيدة والحالة الرابعة على بداية مارس جيدة وحالة اخر مارس ممتازة باذن الله
شو تبي اكثر من هالشكل وابشر وربي يتمم الامور على خير ويوفقنا
والعلم عند الله