[عبدالله العيدي]

المشاركة الأصلية كتبت بواسطة ولد حريملاء

بإذن الله سنه ديم (تتذكر طابور الصباح منول) انواع الرذرذ والدخان من الجوف ولا عرعر والشمالية الشرقية واول حصة رياضة بعد :msn-wink:

تصدق منول معانه عندي لاني اروح على رجلي للمدرسة ولازم طريق مع النخل يعني انواع التسحلق في السواقي ولا اوصل المدرسة الا نعالي ثقيله من الطين

مشاكل ... حقيقه مشاكل منول .. الان مرتاحين وكنادر وسواقين .. بالله تخيل سواق عندك ذيك الايام كان صرت ولد نعمه

الله لايغير علينا كانت ايام جميلة رغم بردها اللي ما احبه ودراستها اللي اكرها كره

بعد ما قضيت اصبر تذكرت .. هايلوكس 79 غثني يوم من الساعه 6 إلين 7 عيا يشتغل من البرد

وانتش فيه والا ماتنتش يا الله تكب عليه مويه حاره وعساه يشتغل .. آه ياذيك الايام

بعد با احكيلك عن قصص تالي الليل .. امطار وسيول قبل الفجر ما حولك احد تطامر بين هالاوديه وتلاحق السيول برد وسيول

هذي الامور اعتقد انها اختفت هالسنين شوي لكن بحول الله راجعه راجعه بس حنا كبرنا

ههههههههه ايام والله من مره ومره رجعت للبيت اغير الثوب بسبت الطين اما النعال حكايتها حكايه خ ولا تنسى صلاة الفجر وانت تصلي والصواعق اللي تضرب كل شوي تخليك جانح عن الصف ,,

طيب ابو بدر اليوم التاريخ 11\10الان اقرب منخفض راح يكون متى والمناطق المستفيده اكثر شي يعني تقدر نقول اول منخفض بالوسم متى اذا الله تمم على خير