2009-10-10, 06:52 PM
|
|
عضو متميـز
|
|
تاريخ التسجيل: Mar 2007
الدولة: جدة : حي الربوه || الإجازات : مستورة [ شمال جدة 200 كم ]
المشاركات: 26,721
جنس العضو: ذكر
|
|
هب البراد
هب البراد وزانت علوم الاجواد
وكلٍ طرى له من طواريه طاري
يا مرحبا بسهيل يا نجم الاسعاد
والوسم عقب سهيل جا له مواري
اقفى ربيع اول وثاني مع جماد
وجماد الآخر مع رجب يا مشاري
وشعبان مع شهر الفضيله و الاعياد
وتالي شهر شوال ليل ومساري
وتباشروا بالخير صادر و وراد
والنار شبوها بليل الغداري
في جنبها دله ونجرٍ وبراد
يا زين صف دلالهم والغواري
يبون مرباعٍ ورا الضلع من غاد
الله على شوف الزهر والشقاري
مشهور يا مشهور سند لي اسناد
عطني علوم المنتدى و البراري
عطني علوم اهل المعرفه و الارصاد
يدرون و ادري و انت يا ابوك داري
يا ابوك هذولا هل فعول و امجاد
يشرون الاصلي ما يبون التجاري
ما عاد لي ف البيت يا ابوك مقعاد
مليت من شوف الذرا و الذواري
واليا انشدوا عني شغاميم الاولاد
اهل الطناخه و التفق و السواري
قل راح ابو مشهور للصيد طراد
هد الصقور و زان طرد الحباري
يحرم علي النوم والشرب والزاد
الين اشوف مجرهدات الصحاري
شاعر البراري
فهد بن إبراهيم المفرج
صح لسانك يا الشاعر 
|