[ولدالغربية]

انا كل سنة اروح على مدى 10 سنوات ان شاء الله ما يكون في تلاعب واستغلال في اسعار ايجارات السكن مثل السنة لي فاتت 2008

لأنها كانت سنة تعيسة وما ارتحنا فيها بسبب الأسعار لي ارتفعت من 300 الى 1000 و1500 للشقة العادية غرفتين وصالة وياليتها نظيفة عيل لو مؤجر فيلا كم بتطلع علي:schmoll:

والله يا اخوان شفت بعض العوائل نايمة في البر
لي ما لقى سكن ولي قعد يوم ورد بسبب الاسعار الاستغلالية لأنه ما كان حاسب حساب الميزانية واذا ما تبغي تسكن غيرك بيسكن هذا كان الشعار

كأننا مب في دولة خليجة تقول رايح سويسرا معقولة لهذي الدرجة استغلال يعني ما حسيتوا في هالعائلة لي جاية من بعيد عشان يقضون كمن يوم مع أبنائهم وبعد كل هذي المسافة لي قطعوها يتفاجؤن بهذي الاسعار
والله كسرت خاطري عائلة من دولة خليجية رجال مع حرمته وعيالة لي ما تجاوزوا الثلاث والست سنين يلفون من شارع لشارع طول الليل حتى غرفة مالقوا :new3:

والله هذا الكلام من واقع تجربة شفتها بعيني
واسمحولي على الاطالة لكن من زود العذاب والقهر لي شفناه :icon28:
الله يسامح لي استغلوا الموسم والله أخاف يشوهون سمعة هذي المدينة الجميلة بسبب هذي الأمور المنحطة لصالح جيوبهم

حسبي الله ونعم الوكيل