[عاشق الرياح]

والله يالغالي ابوي يسولف عن اشياء عن النمل وعن الارضه الي هو النمل الابيض يقول الارضه اذا شفتها بكثره قبل موسم الامطار يقول يجينا مطر قوي ويقول في سنه من السنين يقول كنت في البر وشفت النمل مسوي له مثل الطريق الاسود يقول النمل الي يطلع من بطن الروض معه قمح او غيره والي يرجع من التله مامعه شي ويقول يوم رحت للروض بشوف القمح الي بكميه هايله هذا من وين يجيبه النمل ويقول انصدمت يوم شفت ان النمل يطلع اكله من بيته ويوديه للتل مرتفع وانا اروح للضلع مرتفع مره واشوف بيت جديد للنمل واستغربت منه وقلت النمل هذا ماهو صاحي يخلي بيت كبير من بطن الروض مكان مافي احسن منه ويروح للمرتفع الوعر
المهم يقول الوالد كان الجو صافي مافيه من الغيوم ولا سحابه ولا جانا قبلها مطر ويجي بعد يوم من مشاهدتي للنمل ويجي شق من سما مانقدر نمشي من كثره السيل وصار يستمر علينا ويقول بذاك السنه يوم طول علينا المطر ماجانا حسبناها الي هي 11 يوم انقطع عنا المطر وقلنا انه طول من كثر مايجي المطر فكرنا 11 يوم كأنها شهرين لأن الامطار بذيك السنه كثيره وبعدها عرفت ان النمل سحبان الله كان يبني بيت بمرتفع هربا من الخطر
ولا ننسا فيه حيوانات تستشعر بازلازل ولا راح اروح بعيد اخوانا بالعيص يقلون الحيوانات تصرفاتها كانت غريبه قبل الزلازل
اشكرك علي الموضوع الطيب