من رواد البراري
راصد ميداني متميز
السلام عليكم ورحمة الله وبركاته ،،، ماشاءا لله تبارك الله لليوم الرابع ولله الحمد والديمه والخير والامطار على المستوي وام حزم اليوم تغدينا في غدران الخويش الشمالي تونا متغدين واقبل الخير وبدت ترعد سمعنا الرعد وشوي وهلت الامطار والخيرات وديمت اكثر لها ساعه خرجنا من الخويش وتوجهنا لام حزم وصلينا العصر فيها ثم عودنا والمطر بدأ يخف شوي بعدها توجهنا لمفيض الخويش الجنوبي وشفنا سيله امس وما شاء الله لا تنشد جلسنا نبي نسوي الشاهي والقهوه وتونا شابين الضويه وبدت تديم قلنا نتقهوى سريع سريع وصلينا جمعا وقصرا مطر وبرد وفي العوده وبعد ما تعدينا محطة الغرابه المطر جيد وقبل روضة الهوبجه كان احد الشعاب يمشي مشي جيد والحمد لله رب العالمين . بعد اشيقر وعند ماء سبيل مفرق سد اشيقر طشت وامطرت وبل حقاق ينعش الأرض لا طش الغداء عن احد غدران الشمالي بعد الغداء والهجه الارض كلها طين والشعبان وشغايا تصد الدرب عليك طلعنا على الخط وماشاء الله هذي العباره ماشيه امس وما زالت البارح تعبر وجتها هالديمه وزادت وصلنا ام حزم وصلينا العصر وعليها ديمه كبري ام حزم من فوق عودنا من ام حزم وتوجهنا للخويش الشمالي والنفود ممطور مطر طيب والصوره تبين ذلك وفي العوده الى الديره وبعد محطة الغرابه المطر جيد وبالتحديد عن روضة الهوبجه قبل اشيقر تقريبا 30 كيلوا والسلام عليكم ورحمة الله وبركاته ،،، اللهم اسقنا واغثنا اللهم سقيا رحمه .