السلام عليكم ورحمة الله وبركاته
مساكم الله بالخير
اللهم لك الحمد حتى ترضا ولك الحمد اذا رضيت ولك الحمد بعد الرضا ولك الحمد على كل حال
اقسم بالله ياخوان اجمل مقناص قنصته اللي توني جاي منه
رعود وبروق وسيول وبرد كبر الفناجيل وصيد
واعتذر عن عدم التصوير لاني قمت اطرد لي ضب المهم مدري كيف طاح الجوال وخويي يدعسه بالسياره بالغلط
لكن خذوا العلم الديار كلها اللي ماسالت نقعت وارتوت
وشعيب الدو شرق المدينه المنوره حول الحناكيه سال وهو شعيب كبير ومايسيله الهين
وعند النخيل من فوق جتنا برديه كبر الفناجيل شققت الخيام وكسرت السيارات وذبحت بعض الحلال شي شي ياخوان يصعب وصفه الا سياراتنا الحمدلله اسلمت لاننا يوم شفنا السحابه مقبله زينا غار بالضلع
المهم من يوم رحنا الاربعاء الين اليوم من غزارة الامطار اللي ماتوقف ليل والا نهار من يوم مارحنا الين ماجينا والنوم مانرقد الا بالسيارات
صراحه على كثر مقانيصي هذا هو الافضل واليوم جتنا سحابه مشت الشغايا ونقعت ببعض المحلات
الصبح والضحا والحمد لله على كل حال
الاماكن اللي جيتها النخيل والدو والسناف وزبيعير والحسونيه والعقله وجبال الحضر وساحوق وطميه وقطن والشمط