[ذيب طمية]

المشاركة الأصلية كتبت بواسطة عشقتها

السلام عليكم ورحمة الله وبركاته

كلام ذيب طميه ينبيء عن خبره ..!

الكتمه ( العسام ) مفيد وله دلاله على تحرك الرياح وكثرة تحرك الرياح عامل يدعو للتفاؤل ..

الرياح تنقل البذره وتعالج وتقتل الميكروبات وتدفن الجيف ..
لها فوائد احنا مانعرفها .. ولانقدر نحصيها ..

تذكرون قصة بني هلال والقحط اللي اصاب نجد حينها حوالي 8 سنوات ماهب الهواء
تخيل 8 سنين والهواء ساكن .. حتى اجبرهم على الرحيل والهجرة ..

يقول الشاعر الامير حسن بن سرحان من بني هلال

ثمان سنين ماهوى نجد قطره ..... ولازلزل الرعد الرزين وزار

ولاهبت الغرا ولاهبت الصبا ......ولاطار من اشعاف البكار غبار

حفرت في البيداء ثمانين قامه .... ودورت انا الجم الغزير وغار

يانجد وان طاح الحيا فازعجي لنا .. وشبي لنا براس المقوزي نار

لك الله صبيان النشاما تغيروا ...... بناب ضحوك يعجب الخطار

( ماطار من اشعاف البكار غبار ) .. يقولون انهم كانوا يضعون الكحل فوق سنام الناقه
العفراء في الوبر وتاخذ شهور كما هو وماتغير ..

لك الله صبيان النشاما تغيروا من القحط والدهر مايضحكون الا للضيف اذا جاهم والا كل وقتهم حزن ..

..

وعليكم السلام ورحمة الله وبركاته



لافض فوك ياعشقتها هذا الكلام وهذا مقصدي والايام بإذن الله تبين لنا