[مطارد البروق]

السلام عليكم ورحمة الله وبركاتة
على ما قال فيد اللي يقول وش يقول خبر فوق البيعة وهو كتالي ,,,
بعد مغرب يوم الامس السبت كان السحاب محجج على معظم الجهة الشمالية مع مشاهدة روؤ س المزن على تلك الجهات كذلك امتتدة حتي الجهات الشمالية الغربية من محافظة الدوادمي ,,, المهم صليت المغرب ورجعت للملحق صديقي الخاص جدا وما هي الا دقائق وينقز علي عبر الجوال اخوانا الغالي راعي الرويضة ابو راشد كاشيروا ويقول البروق ما تفصل مولعة في غرب وشمال غرب الرويضة قلت يولد انت متاكد يمكن تقصد البروق اللي كنت انا متوقعة في الشمال هي اللي تتكلم عنة ,, قال اي شمال الله ييحيك اقولك انا بالرويضة وطالع بالسيارة واشاهد البروق في قبلة الرويضة وشمال منة يمكن تروح السحابة بين الشعراء وعروى ,, المهم قررت الذهاب الى الشعراء ومن ثم الى عروى والرويضة ,, خرجت عن طريق الشعراء الجديد الجعلان المصلوخة وبعد تقدمي بمسافة شاهد البروق في قبلتي وجنوب غرب عني وشمال عني وشمال غربي كذلك احترت والله مادري وين اروح البروق مشعللة على جميع تللك الجهات دقيت على كاشيروا وقلت وين اروح هالحين انا ودي تشوف اللي شمال وشمال غرب الدوادمي في صور الاقمار الصناعية هل يوجد بروق قوية لانني اشوف بعيني الجهة الشمالية والشمالية الغربية مولعة بالبروق كل 10 ثواني ابروق على تلك الجهات هذا الكلام عند الشعراء فقررت ان اذهب شمال الدوادمي ومسكت طريق الشعراء القديم ومن ثم الى طريق عفيف الدوادمي واثناء سيري جاني اتصال من الاهل وانا متاكد انكم ممرتو باهذا الخبر بل اجزم انه يصير معاكم وهو
الغاز خلص وينك فية قلت الله يعين هذا الكلام بعد صلاة العشاء مباشرة رجعت الى الدوادمي عن طريق البيضتين
وبعد ها قررت ان اذهب الى شمال الدوادمي بعد استجابتي للامر الواقع وهو احضار الغازات ومن ثم تكملة مشواري وهذا ما صار ذهبت الى شمال الدوادمي عن طريق عرجاء نفي هذا الكلام الساعة تقريبا التاسعة ليلا
طلعت من عرجاء ومن عند مفرق التسرير لقيت السلفت منقع وفية امياة الى قبل وادي الرشاء ومن الوادي الى مفرق امساوي مطر زين السفلت مليان موية والاكتاف دارجة ,,, ومن بعد امساوي الى نفي ماء شاء الله بدئيت اشوف المناقع والغدران بدئت تكثر واشوي واشوف السكك اللي جنب الخط تمشي واشوي اشوي والغدران من يمين ويسار والعبارات تمشي والحفر مليانة الى نفي وسلامتكم واسف على الاطالة ,,,
وهذي اربع صور للعبارات اللي بعد امساوي الى نفي والااعلم بشي من نفي وشمال ,,,
1-

2-

3-

الاخيرة


وسلامتكم جميعا ,,, وهذا مالدي والله يحفظكم
انا قايلكم من اول الله يعينكم على اشويبكم يحب التفاصيل
وتقبلوا مني اجمل وافضل تحية
من اخوكم واشيوبكم ابونواف