[صلاح الزعاقي]

المشاركة الأصلية كتبت بواسطة ولد حريملاء

تصدقون يا اخوان صورة الددسن مدحدر .. ماشاء الله تبارك الرحمن .. الله يخليه لاهله

بس انتبهو في البرد يزلق الموتر لا تسرعون .. عشان ما تدخل في طلحة وينشق الاديتر

بس الشرائع ميزته في البر انك تنام في الصندوق .. بس لا يصير منشق عشان مايخر

أيضا لازم الددسن يكون دفرنسين لان البر تغريز والتغريز يتعبك لازم واير تجر الموتر جر

حزام الامان مهم في البر بعض الاحيان يطلعلك قطو والا جربوع مع الروعه تربط فرامل

واذا صار معك احد ثاني أشد وامر يعني لازم كلكم تربطون حزام الامان

الكشاف مهم في الرحلة عشان تصيدون جرابيع بس انتبه بعض الجرابيع فيران يخونك النظر

المساحات وما ادراك ما المساحات .. اذا كانت منقطعه والا طاقتها الشمس كلها واحد صوت صرصره

شاحن الجوال مهم بس الماطور اهم واذا صار الماطور هوندا اقوى من مستوبيشي

اهم شئ الربع اللي معك .. اذا صارو من اهل الرياض الله يعينك على تقطيع البصل

اخيرا انك اذا قعدت في بيتكم ونمت ازين لك من الدوران في البران لا يجيك مشق ولا قعران (نمل أسود كبير) للي مايعرف القعران

نصائح من ذهب اخوي النصوح والا لا

هههههههههههههه نصائح لا بد من الأخذ بها لأنها جت من شخص

مجرب ومخضرم :8_2_96:

وابشرك سيارة التميمي طلعت دفرنسين ما شاء الله عليه أكيد ماشي

على نصايحك هههههه وشف سيارته بعد ما وصل العنبري والمشراق

ولبقها ومشكور يا بو بدر