[صلاح الزعاقي]

مادري وش اللي جاني يوم قريت موضوعك يا بو بدر تقول حصل معي تنويم مغناطيسي:36_1_50:

تشخيص سيكيولوجي ونظريات جميلة

----------------------


تصدق يا بو بدر إني ما كنت أفكر سابقا إني سأعطي النت أي اهتمام لأني ما أواطنه

ولا أحب أجلس عنده وفراغي دائما في الصيد والبران ومطارد ورا السحب الرعدية

وجلسات وشبات نار على جال الشعبان يمين ويسار

--------------------

لكن وش اللي حصل لي من تالي مادري حسبي الله على إبليسكم 00 بديت أقابل هالنت

ويضيق صدري إلى فقدت احد منكم أو حصل مني انقطاع لظروف الحياة المختلفة :m9asmilies-com:


----------------------

عموما حبيبنا أبو بدر حنا جيناكم يعلم الله بخبرتنا الفطرية والمكتسبة من المشاهدات

والرصد والمتابعة لأجواءنا خاصة في معظم مملكتنا من سنوات طويلة مستفيدين كذلك

من عبداللطيف العيوني وحسن كراني وعبدالله الجازع راعين النشرة الجوية

وكنت أثناء مطارداتي وتتبعي الخير أحرص على حمل تلفزيون صغير أقترب به

من مواقع البث إذا كنت في البر لأدعم بما أشاهده توقعي وتسهل معه متابعتي

جا لي وقت تقول هذا انهبل 00 آخذ عزبتي وأشد مرة لحايل ومرة المدينة

ومرة في عمق الصحراء في الشمال مع الربع ( مايدرون ليش أقول لهم بتلوا عدال

أو ميلوا غرب 000 ) لأن هدفهم الصيد فقط أما أنا فأفضل السحب والتأمل والرصد

وخذ من هالمواقف

لكن يوم طحنا بالبراري ولقيناكم وش لقينا ربع تذرهم على الجرح يبرأ

------------------------

عاد بدينا نستفيد منكم يا خبراء البراري ومن المواقع الجيدة اللي يتم عرضها

وبدأنا نعزز مالدينا من خبرات ونبحث عما ينقصنا

لكن خبرك الكبر شين أحيانا نمسك العلم شهر وننسى اللي بعده

لذلك أرجو من الجميع أن يستمر في البحث عن كل جديد في هذا العلم الواسع المتشابك

والمتجدد

----------------------

وبالمناسبة

ترى إدارة المنتدى ورطوني باللقب الجديد

من متتبع للخير ومطارد للسحب إلى باحث في الطقس >> من قدك يالنصوح :36_1_12:



مشكور يابو بدر على الطرح الجميل

ومزيدا من الإبداع والتألق لهذا المنتدي الراقي