[عبدالرحمن الحربي]

السلام عليكم ورحمة الله سلامي للنشامى وخاصة مراسل جدة وابو خالد والعزيز ابو فيصل وعودة لكم ان شاء الله
ابارح وصلت من ابها وهذا تقرير نظري دون الصور
سافرنا لابها يو الاحد 2 شعبان يوم الاثنين جو مغيم ولا مطر وكذلك الثلاثاء
الاربعاء جاتنا ذيك السحابة من وراء الفندق برعودها وبرقها وهات المطر والبرد غسلت قلوبنا
المهم وينقلب الجو 180درجة من يوم الخميس
شمس كني بمكة وزاد عليها الغبار والمعاصير والله ماكأنك بجبال وغبار واخذ الجو مثل كذا
الخميس الجمعة والسبت والاحد
والاثنين جهزنا اغراضنا بنطلع السودة الجو صافي والشمس حارة قلت لاهلي
وعيالي تبون المطر قالوايييييييييييييييييييييه تو مسكنا درب السودة قلت يالله ولا كلمة
كلنا بنستغفر لما نصل الجو صافي الحمدلله ولما وصلنا السودة غيمت شوي بداية التغير
نزلنا
يوم الثلاثاء رحنا منتزه المسقي
واتبعت معهم نفس الطريقه قلت تبون المطر يالله نستغفر وطيله الطريق نستغفر كان الجو مغيم شوي
بنتي الصغيرة قالت يابابا وين المطر انت قلت نستغفر ويجي المطر
قلت لها استغفاركم جاب السحاب وباذن الله بعد ماكنت شمس ولو زدت بيجي المطر
حركنا بعد العصر المهم كل اللي معي يستغفرون وصلنا ابها المغرب صلينا والا البروق من جهت المسقي وجاتك ساحبة على جنوب ابها وامسكهك وقلت لهم اش قلت لكم
الاربعا افضل الايام طلعنا منتزة السحاب من بدري افطرنا هناك وماجات الساعة 11 الا والسحاب يلامس الارض صلينا الظهر وجاتك المرعدة ومطر للساعة اربع ونص والارض بيضاء من البرد نزلنا بخير ونعمة العشاء والجو دفوة
الخميس طلعنا السودة وجاتنا رشه طيبة
الجمعة جاتك السحب من الساعة اا وغطت سماء ابها ولما طلعنا من الصلاة الا تسمع المرعدة من كل جهة سبحان الله تغدينا وغادرنا ابها بذكريات الاستغفار والامطار
وسلامتكم