اقتباس:
المشاركة الأصلية كتبت بواسطة نديم الشاشه
كفو يابو عبدالعزيز من غير قصور بالرجاااال .
الشايب مضيع الليله هههههههه
يبي المطر والمسرا ؟
الله يرزقنا ويااااه ويمتعه بالصحه والعافيه 🌹
|
ما عليك زود اخوي نديم
اللهم امين
والله ماالومه والا الوم اي شخص يحب المطر وشوفت الوادي يسيل كان في السابق من زود حبنا في المطر كنا نسافر لديرة ثانية عشان نشوف المطر واذا ربع مكان زين نرحل ونربع فيه بالحلال الله على زمان يازين ذيك الأيام...
…………………
لإني خبير ولادارس علوم الطقس
مير اني عشق نزول الامطار
ويش جاب اليوم مثل الامس
يوم كنا نتوقع من دون الاقمار
نمشي مسافات ياراكب الجمس
بالليل مانخشى دروب الاخطار
نظر سمانا وندرك على الحس
آن المطر جاي لانشرة ولا أخبار
ماغير نرسل مرسول مثل الفس
يخبر يلي بالوادي وعزيز الجار
نطلع عالي الجبال ماعاد نجلس
قبل لاتجينا سيول بنصف النهار
من ماضي الاحداث نتعلم وندرس
مهما يصير معنا نؤمن بالاقدار
رجعتني يانديم لا ايام المدرس
يلي كان يدرسنا نظيف الافكار
…………………
ابو عبدالعزيز