[محمد النجيبان]

المشاركة الأصلية كتبت بواسطة ابوساري666

الله يعطيكم العافية علي الصور وماسم المنتزهات في القصيم لاني ان في الطريق لها

وجزكم الله خير

الله يحييك يابو ساري بين اهلك وربعك في القصيم
وإذا كنت تبي المنتزهات البرية فهي كثيرة ولا زالت المياه موجودة
عند قاع دهيما اللي نزل صوره أخي النصوح وهو جنوب عنيزة تروح له عن طريق
المخيمات البرية ( منطقة الغضا ) يجيك T بعد حوالي 30 كم تلف يسار وتلقي بعد حوالي 30 كم أو أقل لوحة مكتوب عليها دهيما تلف يمين وأول ما تلف يجيك بحيرة على اليسار

وفيه منطقة شرق بريده تروح لها من عند الشماسية وتطلع شرق الشماسية وتسأل عن محير شعيب الأديغم اللي شرق النبقية والأرض بدت تنبت ولله الحمد بأعشاب الصيف
المعروفة والله يتبع لها المطر

وعند الكسر شرق محافظة الزلفي وروضة السبلة الرائعة
( بس هالمنطقة ماهي تبع القصيم إداريا لكن ماعلينا حنا والزلفي واحد وكل مناطقنا الحبيبة )

وإذا فيه غير هالأماكن يمكن يفيدك بها غيري 00 لأنك أنت حددت القصيم