السلام عليكم ورحمة الله وبركاته
مساكم الله بالخير جميعا
مبروكين يأهل الديار الممطور
واللهم صيبا نافعا
وعقبال باقي الديار ان شاء الله
العلم وسلامتكم من الجمعه تحركت من الرياض
بعد صلاة الجمعه لين وصلت النفود اللي بعد شويه
رشاش طيب والارض مكثره ماها وجلسنا بأطراف الصمان
الشرقي وجتنا ديمه من الساعه السابعه ليلاً
تنقطع فتره بسيطه
وتعاود الهطول ومع قرب الفجر جت سحابتين رعديه
طيبه ومن صباح السبت رذاذ خفيف وبالنسبه
للفياض ماهي سوى ام المصران وشقران وماحولها
كثيره مناقع الماء ولاكن لم تمتل وماوقع شرقها افضل
ولاكن الارض هلاش ولا تقدر تتمشى الارض رويانه
الحمد لله ورجعة للنفود الثراء حول 20 سم وامرحنا
ليلة الاحد مع زخات ديمه متقطعه ومع فجر اليوم
من الرفيعه لحد التنهاة ماطر واحد متوسط والفيضه
شبه مليانه من السيول اللتي تصب فيها
ومن شعيب الطيري يمشي ممشاء متوسط الساعه 10 ص
وبعدها هطلت علينا امطار رعديه شبه غزيره ومستمره
السحب ولله الحمد ومن الطيري لين الحفنه ورويغب والرمحيه
والعتش والحفيره والطوقي والخفس ونوره ودقله
جميعها سيول طيبه والارض رويانه صايره بحر
الحمد لله واجواء شتويه جميله جداً وعساه متبوع بإذن الله
ويعم الخير ع جميع ديار المسلمين