[ينبع البحر]

المشاركة الأصلية كتبت بواسطة البارق الغربي

ياينبع البحر
يقولون العيون حقت ينبع النخل
تجري فيها المياه حتى اليوم من وسم العام الماضي
والناس ارجعت تزرع فالمزارع اللي هجروها
صحيح الكلام هذا

هلا والله بحبيب القلب..
المعذرة ع التأخير كان عندنا عزومة غداء..
وجاري وصديقي كسير ينبع كفى وفى..
.................
إيه أبشرك للآن العيون تجري..
وصراحة عاشت ينبع العام أيام وليالي حلوه..
وكل من هجرها عاد لها بما فيها أهالي جده اللي..
من أصول ينبعاوية رجعوا لمزارعهم..
وأقاموا أهالي ينبع ليالي عشاء ورديح والعجل وفن الكسرات..
وشبه يومي يضرب الملح عند أفواه العيون..
والمزارع أرتفعت أسعارها بمبالغ خياليه..
بس الجن بلشه ههههههه المزارع من كثر هجرانها انسكنت ههههه..

واخذت نصيبها من الكسرات اتغنوا بها شعراء كثير..
ومن أجمل ماسمعت/
عقب انقطاع العيون سنين..
عن ينبع النخل وقراها..

عادت تعانق بيوت الطين..
واستبشر الكل من ماها..

حتى الفرح فالوجوه يبين..
لا شفتهم عند مجراها..

محد توقع تعود العين..
وسنين كنا نتحراها..

الله يحفظ الينبعين بحرها ونخلها وكلاهما عينان في راس..