السؤال المسافر .. والإجابه تخون
و الخطاوي..!! على نخل الصبا دايسه
.
كل يومٍ يمرّ.... آهد وابني / حصون
واستعير الصباح ... وغصبن اسايسه
.
آه يالحزن ياتركي ... شربني طعون
ولا شربت الفرح(لحظه) .. تجي بائسه
.
كني اقرا كفوف الجاي .. وشهو يكون
وكني آموت واحيا .. والحـزن دارسه
.
بين صوتي وبين الصمت زحمة عيون
حارسة للضلـوع ... وللفـضا حارسه
.
لانبت وسط غيم الصبر بعض اللحون
قالت / احذر من التاريخ .. ياغارسه
.
قلت / لاضاعت الأوراق صدري يمون
والمراسم .. مع الشريان .. متجانسه
.
بس ياهيه لاضاع الرسن وش نصون؟
مابـيبقى ... على خـيل الزمن فارسه