السلام عليكم
وأسعد الله مساءكم بكل خير
........
......
....
..
.
تحت ليـل الشقـى هلـت حـروف الخاطـر المكسـور
بعد ما خـيـم الـحــزن بخـفـوقـي ضـــاق تعـبـيـره
فـتـح بــاب القريـحـة والقـوافـي تفـضـح المـسـتـور
تسـولـف للعـنـى كـيــف الألـــم مـا يرحم الـسـيـره
على صدر الورق تاهت حروفي في بصيص النور
طبع حبر الزمن بعـض الشـــرود بصفحـة الحيـره
طـرقـت اللـيـل ونجـومـه تـحـن لخـطـوتـي بـشـعـور
تخفف وطـأة الضيقـة وهــي فــي شـرهـة الغـيـره
أسوق الجـرح فـي بيـدأ الضلـوع بخطـوة المجبـور
أدور بـلـسـمـه بــيــن الـمـحــال ورحــمــة الـخــيــره
قسى ذاك الزمـن وأشهـر سلاحـه بالجـروح البـور
بعد ماشـاب فـي عــارض جــروح الـعـام تعـزيـره
مشـاريـه الـغــلاء تـنـصـى وتـــارد عـــده المـهـجـور
نـشـف ريــق الـولـه وقــت الهجـيـر وغـربـة الـديـره
أحـاول أطـوي الصفحـة .. وأعـزي طيبـة المقـهـور
آعاني بـــس مـــا ودي يـهـيـن الـعـمـر تـقـصـيـره
صحـيـح إن الـوفـاء جـامـل كثـيـر بـعـذره المـبـتـور
طمـوحـي كــان مـا يـخـذل عشم قـلـبـي وتـصـويـره
أشـوف الغصـن ما يـورق ويطـرب للشتـاء الممطـور
وش ألـوان الربيـع الـلـي تثـيـر الـوجـد فــي طـيـره
مسافـه بيـنـت بـعـض المـلامـح فــي قـنـاع الــزور
بــدأ لــون الشـفـق يـسـدل خـيـوط الـلـيـل ويـثـيـره
كـآبـة لـيـل وأوراق ٍ تطـايـر فـــي حـطــام الـســور
سلـيـنـا والـقـهـر يـبـقـى بـشــوق ٍ هــــان تـقـديــره
أعذب تحية