يالله بصبحن غير عن كل الاصباح
فيه السعد والانس والبال رايق
الشمس تشرق فيه وتبث الافراح
ويصبح عليل القلب طربان فايق
ويهب نسناس الهوى بعطر فواح
ريحه كما العنبر صعوط النشايق
والغيم ينشا فيه وتسوقه ارياح
في مقدمه برقن للانفاس شايق
ويعم وبله كل ديره ومسراح
والعشب بعد اسبوع بالارض وايق
والذود ترعى فيه من بعد مضواح
وراع الغنم ينسى جميع العوايق
والطير بالتغريد شايل وصداح
من الفرح يبدع جديد الطرايق
ويالله عسى من يشكي الهم مزاح
يمزح بقوله مايقول الحقايق
وتصفي نفوس وتتحد فيه الارواح
وتنسى شقا كل السنين المضايق
وصﻻة ربي عد ماصاح صياح
على النبي في كل ساع ودقايق
كلمات الشاعر /محمد سليمان البلوي