عطني وعد من صادقات الأقاويل
وأعطيك من فيض الغلا ما يكفي
اعطيك من غيث المحبه هماليل
من وبل خفاقٍ بروقه ترفّي
(صفوة غلا )يظفر بها سابق الخيل
(ونـِدرة وفا )أشعل بها كل مطفي
ما هو كلامٍ تدهنه زبدة الليل
غلّفت لك ورد المحبه بعطفي
عطني وعد دام الليالي مقابيل
وابشر بقلبي دام كفك بكفي
ابي تصافحني على العدل والميل
وان مال بي شين الدهر ما تقفي
يا صاحبي زادت علىّ الغرابيل
مدري متى حمل القراده يخفي
ودامي أخترتك دون كل الرجاجيل
خل الليالي بلمسة إيديك تصفي
خلك عضيدي لا ثقل حملي تشيل
وأرمي على كتوفك تناهيد ضعفي