[تناهيد]

لـو بكيـت دمـوع عينـي ما تفــيد
وإن شكيت الشكوى ما فيها مسـد

كل يـوم يذوب فـي قلبـي وريـد
أتصبّـر مـيــر ما عـنـدي جـلـد

نار شوقـي لك يذوب لـهـا الحديد
وإنتثـر دمعـي علـى خــدي بـــدد

دايمٍ يا شـوق شوقـي لك جديـد
وإن سألـت العيـن لـك فيهـا مــرد

دمعتـي تنبيـك عـن حـبٍ أكيــد
غيرهـا يـا روح روحـي وش بـعـد

كان قلبـي قبـل عرفي لك عنيـد
ما يحن ولا رمـى غـيـرك لأحــد

ليـن طـوّعـتـه بحبــك يا وحيـد
والمـحـب يطيـع مـحبوبـه وحــد

يا حبيبـي غير شوفك لا ما أريــد
دوك طـرفـي طايـر فيـه السّـهـــد