ما قيل في سهيل من قصائد:
جاك الفرج يا منتظر طلة سهيل
أيام وتذعذع نسيم البرادي
برز زهابك وانتبه للمعاميل
واختار من صفر الدلال الجدادي
خذ ما تبيه وزود البن والهيل
يكفيك لين تعود صوب البلادي
أوصيك أنا في العزبة أم الفناجيل
زود عددها لا تصير اقتصادي
واختار خوة طيبين الرجاجيل
اللي لهم رغبة بقطع الفيافي
===
سهيل نجمة قدلة أيام شفناه
وقــفا سموم القـيض واقبل براده
راعي الولع يفرح ليا حل طرياه
تمضي لياليه سرور وسعادة
ينسى هموم وسط صدره مخفاه
اللي يعض لايام تزعج راده
===
هبت هبوب النفانيف
والصيد خلى مقاييله
وسهيل عقب الغبا شيف
والبر كثروا نزازيله
:::::
تباشروا بسهيل دار بمداره
تباشروا به بينكم يارجاجيل
نجمٍ يجينا كل عام بزياره
اليوم كلن يرقبه دون دربيل
عقبه يدارجنا النهار بقصاره
نونس براده مع نسيم آخر الليل
يطيب للصقار عقب الحراره
تجهيز جيبه بين صلِّح وتبديل
ويطيب للصقار باول نهاره
جذب الحرار اللي تبي زود تدهيل
---
يا سهيل ما به نجم مثلك يماريك
وسيرتك بين الناس كل ذكرها
تفرح بك العربان لا حل طاريك
وبرجك على برج الثريا وأثرها
أغليك أنا يا نجم وأرقب مساريك
والأرض مثلي ايتغير شجرها
بوقت الشتا والصيف وحنا بحراويك
واحوال كل الناس عندك خبرها
قناة البراري