متى نفتك من هالتقلبات في الحرارة يوم حر ويوم برد في النهار حر وفي اليل برد والعكس صحيح طبعا يوم الجمعة كان الجو زين يعني معتدل فاهلي قرروا يروحو الثمامة ويستمتعون بهالاجواء الجميلة طبعا الكبار ما جابو معاهم ملابس ثقيلة بس الصغار على اساس انو ما فيه برد وان جا برد فانو بيجي خفيف المهم بعد صلاة المغرب هبت رياح شمالية شرقية نشطة وباردة وهم طبعا ما جابو معهم ملابس ومع الحركة الكثيرة والشيل والحط بهالاغراض ويدخل البرد في عظامهم وطبعا تعرفون برد الصحرا لا دخل العظام يكون مؤلم وما يطلع بسهولة وعلى قولتهم انهم الى الحين يحسون بالالم عشان كذا لزوم ننبه اهل الكشتات والبر انهم يجيبو معاهم ملابس شتوية للاحتياط عشان اذا جا برد مفاجئ يكونوا جاهزين واتمنى برضو من خبراءنا ان ينبهو على ذلك في نشرااتهم اليومية والله يحفظ الجميع