[مراسل/جدة]

المشاركة الأصلية كتبت بواسطة العنبري

يالله بنوٍ يوم يردم ربابه= توابعه مثل الجبال المظاليل
يومر على غسل المحول انصبابه= في قدرة الخالق يكيله مكاييل
يحي الهشيم اللي يبس في ترابه= يبست عروقه والهوى شالته شيل
يبس الشجر والقاع والعجز صابه= وضاقت على راع الحلال المهازيل
راع المواشي زادها من زهابه= يرهن لها الذمه ويشري لها الكيل
نشفت الثرى والبر مقحط جنابه= واللي حواله دون ذاق البهاذيل
يالله بدعوة مسلمٍ مستجابه = من عابدٍ له نافله تالي الليل
يطلب بها ربه ويرجي ثوابه = وقلبه نظيف من الريا والتضاليل
رزقه حلال وملبسه واكتسابه= مال الربا بحساب رزقه مداخيل
دعواه عن عجم البهايم نيابه =اللي شكت من قوتها فترت الحيل
يفتح لها رب السماوات بابه =دون السما مايعترضها عراقيل
نطلب مطر رحمه ثقيلٍ سحابه =فيه البروق تلوح مثل القناديل
ياخذ ثمان ايام حسبة اوجابه= دفاق رفاقٍ زلوفه هماليل
وليا انتهى الثامن وعزّل ضبابه= نهار تاسع باذره كنه النيل
والعصر لامن المولع مشابه= يغيب هوجاسه وينسى الولاويل

الله لا يحرم وطنا من السيل

=============

صح لسانك أخوي العنبري //

والله يجزاك خير على هالصوره الرائعه //

اللهم أغثنا ياكريم //

============