[أبو سيرين]

لا خـيـر في رفـقـة هل القيل والقال
مـثــوريــن الـشــر بـيـن الــرفــاقي

بـكـيـدهــم أصــحــابـنـا دمـهـم سال
وغـــدرهـم نـبـش الخفا والمشاقي

تـغـيّـبـوا عـنّـا صـحـيحـين الافـعال
غــيـابـهـم طــول وصـرنـا زهــاقي

صحـابـنا اللي تـنـظـرب فيهم امثال
غـدو طـعــام(ن) لـلـكلاب السلاقي

ولا خير في قوم(ن) تخونك وتغتال
مـحـسّـبـيـن الـــرّد لـــفّ الـعـنـاقي

لا تـنـتـظـر مـنهم صداقـه ولو طال
ولا تـنـتـظـر مـنهم شــديد الـوثاقي

ولا تـنـتـظـر مـنهم معيشه ومدهال
ولا تـنـتـظـر مـنهـم دوام الـوفــاقي

مـصـيـرهـم دايــم حسيسه للانـذال
يــذلـهـم ذلّـــــة ذلـيـل(ن) يـســاقي

مجالس(ن) يجلس بــهــا كل دجـال
مـنـافق(ن) وإلا خــــوي السـراقي

خـصـيـمـنـا يـكـرم بــدلــه ومــربال
وبـالـمـسـاء يـسـقـى حليب النياقي

مـشــرّعــه ابـيـوتـهـم له والاموال
ولـو يبي رقـص وطــرب مـا يعاقي

كـفـرْ بـلـيـلـه والـصّـبـح في تـبـتـال
حــيـاتـهــم قـلّـة حـــيـا مــــا تطاقي

مصيرهم يلقوا عـــذاب(ن) ومدقال
يـحــاســبـه ربـي على مــــا يـلاقي

خـتـامـهــا صـلـوا على طـيـب الفال
رحـــــم عـبـاد الله وحــل الـشـقـاقي

معاني الكلمات :
المشاقي : المخالف والمعادي .
السلاقي : سلق الشي ( أحرقه ) وفي القصيدة التي تسلق الناس بلسانها أو كلامها وتقول ما يؤذيهم .
مدهـــال : المكان الرحب وفي القصيدة مجلس الضيافه .
مـربــال : أرض بها ربيع .
مـدقــال : المنع والحرمان .
تـبـتــال : انقطع عن الدنيا وفي القصيدة انقطع عن الدنيا وتظاهر بالصلاح .