بقولها له بعــــــــــدما قالها صمته
جعله سعيد وبعيد ,,,,وخاطرى سالي
مادام صوت العقل فالحب حكمته
يسمحلي القلب أحطم برجه العالي
شي من الماضي لباكر تعلمته
من مابقالي غلا..... مابيه يبقالي
شاب الغلا يحسن الرحمان خاتمته
رفيقي أول مهو رفيقي التالي
ماهم قلبي خطا غيره ولا لمته
ماتشره الا على رفيقك الغالي
تجاوزي عن خطا غيري تعاظمته
لاشفت نظرة ثنا بعيون عذالي
هذاك ظالم وهذا الناس ظالمته
قلي من اللى من هموم الزمن خالي؟
ماكل ماجال بالخاطر تكلمته
بعض الحكي ما تكلمت وانا لحالي
إن كانه الحب ذاك الي توهمته
ياكثر ما خالفت اقوالي وافعالي
او كانه الحب ذاك اللى تالمته
لا عاده الله غلا... لا ماتت امالي
اللى تنكر وأنا بالحب كرمته
مابيه لا قفيت ينشدني عن احوالي
عشره ...وراحت مثل حلم تحلمته
هانت على من جرحني ليلة وصالي
ياللى بالاحزان والافراح قاسمته
ابشرك ...مر يوم وما انت في بالي