يالله غيثك من صدوق المخاييل
اللي على الارصاد متوقعين
جابو عنه مؤجز وجابوه تفصيل
اكبر هواة الطقس ومحللينه
طالبك يامعبود يارب الانجيل
من رحمتك يامنجي أهل السفينه
يالله عساه يبشر الارض بالسيل
رحمة اعباد وغيث دار وسكينه
من السواحل لانشئ كنه اليل
ويعكس شعاع الشمس بينك وبينه
وتركد هبوبه لين يسقي المداهيل
من حدالاردن لين بدر وحنينه
وقبل المساء جعله على طيبه يميل
يمطر ويفرح كل نفس حزينه
ويزحف شمال وشرق مزنه مثاقيل
ويسقي الديار اللي شمال المدينه
ويضفي على كل المناطق وهو سيل
رحمة اعباد وغيث دار وسكينه