الله يتقبل منا ومنك ومن المسلمين صالح الأعمال ومن حجاج بيته حجهم وسعيهم
ما علينا الحين من التقرير وراعيه عقب بنرجع له ونشوفه من جديد
المهم هو / المستجدات اللي صارت عقبنا
عزام والله وكبرت وغديت رجل ينشد بك الظهر
عز الله إنك منتب سهل تنتف ( ولو إني أدري مستغلينك ) لكن بداية الطريق نتفة ريشه وهمن تصيد وهمن تصير أنت اللي تمشور بأبوك اللي ما علمك تفر عن الهواء أشغلك الريش ههه
عسى الله يقر عين والديك بصلاحك وهدايته ويرزقك برهم
نجي لك يابو علي أولاً / ما نقدر نكلمك متصدر ( #متصدر_لاتكلمني ) وليتكم دايم تتصدرون إذا بنشوف مثل هالتقارير
ثانياً / العذر والسموحه منك هنا المشكلة دخولي للشبكه العنكبوتيه قليل جداً
ضغط العمل وقبله ضغط الرياض بكره والسكن فيه هم وغم (زحمه ومشواره سفر) ويومك يضيع ما خلصت شغله وحده بس لكن نوعدك بالمرات القادمه إن شاء الله إنا ما نغاب عنكم بقدر المستطاع
أما عاد محتوى التقرير فليس بجديد عليك أبو علي هالإبداعات
وصايدين وفايدين وعساهـ بالعافيه عليكم
ألف ألف شكر لك مرة أخرى