[بقآيآ .. حرف]

ياعين ما هليتي دموعك وانا احبابي جلو
وش فيك ما غرقتي الاحباب بدموع الحنين
ان كان عزة نفس ياعين الشقا هذا ...غلو
وان كان باقي لك امل ياعين ما هم راجعين
شالوا على ظهر الجفا كل الاماني ورحلو
وخلو سيوف الياس تطعن مهجتي في كل حين
الله يسامحهم مشو هاك النهار وهملو
قلب ٍ ربوه وغيرهم ماله حبيب ولا ضنين
مير الحيا بين الحنايا عقب شدو ونقلو
يرعاه هم فراقهم من بعد راحو نازحين
واليوم لو عيني وقلبي للحبايب خايلو
ما عاد لي من مزنة احبابي رشاش ولا غشين